Эҳтиёт, селборону хунукиҳо дар пеш аст

 Агентии обуҳавошиносии Тоҷикистон ба таваҷҷуҳи шаҳрвандон ва меҳмонони кишвар мерасонад, ки 13 апрел дар қаламрави мамлакат ҳавои номусоид, аз ҷумла боридани борони сел дар назар аст.
Тибқи маълумоти агентӣ, ҳамчунин пагоҳ дар манотиқи кӯҳии кишвар боридани борони сахт ва раъду барқ аз эҳтимол дур набуда, таҳдиди болоравии сатҳи об дар дарёву рӯдхонаҳо, хавфи омадани сел ва лағҷиши тарма вуҷуд дорад.
Дар ин рӯз дар ҳамаи минтақаи ҷумҳурӣ ҳаво нисбатан хунук шуда, ҳарорати ҳаво 5-6 дараҷа поён мефарояд.
Интизор меравад, ки ҳарорати ҳаво рӯзона 12-14 дараҷа ва шабона 8-10 дараҷа гарм шавад.
Имрӯз, 11 апрел дар ҷумҳурӣ ҳавои тағйирёбандаи абрнок дар назар аст. Ҳаво дар қаламрави ҷумҳурӣ рӯзона то 20 дараҷа гарм шуда, шабона 12-14 дараҷа гарм хоҳад шуд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube