Феҳристи ҷаҳонии озодии матбуот Тоҷикистонро дар кадом зина гузошт?

“Феҳристи ҷаҳонии озодии матбуот”, ки ҳамасола аз ҷониби коршиносони созмони байналмилалии “Гузоришгарони бидуни марз” тартиб дода мешавад, нишондиҳандаҳои озодии матбуотро дар кишварҳои ҷаҳон муайян кард.

Тоҷикистон нисбати соли гузашта як зина поин шуда, дар зинаи 153-юм қарор гирифт ва дар байни кишварҳои Осиёи Миёна ҷои панҷумро ишғол кард. Дар байни кишварҳои Осиёи Миёна Қирғизистон дар зинаи 122-юм қарор дошта, дар ҷои аввал меистад. Қазоқистон дар хати 134-ум, Ӯзбекистон дар раддаи 137-ум, Туркманистон бошад, дар 176-ум қарор дошта, мутаносибан ҷойҳои дуюм, сеюм, чорум ва шашумро касб кардаанд.

 Дар маҷмуъ, дар рейтинг 180 давлати ҷаҳон муаррифӣ шудаанд. Дар “Феҳристи ҷаҳонии озодии матбуот-2023”, мисли як соли пеш, Норвегия дар ҷои аввал аст. Дар панҷгонаи беҳтарин Ирландия, Дания, Шветсия ва Финландия ҷойгиранд. Иёлоти Муттаҳида дар ҷои 45-ум, Русия — 164, Чин дар 179-ум қарор гирифтаанд.

Дар байни кишварҳои ИДМ Молодова (ҷои 28-ум) дар ҷои аввал буда, пас аз он ба навбат Арманистон (49) ва Украина (76) ишғол мекунанд.

Дар маҷмуъ, дар рейтинг 180 давлати ҷаҳон муаррифӣ шудаанд. Дар шохиси ҷаҳонии озодии матбуот 2023, мисли як соли пеш, Норвегия дар ҷои аввал аст. Дар панҷгонаи беҳтарин Ирландия, Дания, Шветсия ва Финландия ҷойгиранд. Пас аз он давлатҳои Нидерланд, Латвия, Эстония, Португалия ва Тимори Шарқӣ қарор доранд. Иёлоти Муттаҳида дар ҷои 45-ум, Британияи Кабир 26-ум, Фаронса 24-ум, Олмон 21-ум, Канада 16-ум, Ҷопон 68-ум, Ҳиндустон 161-ум, Русия – 164 ва Чин дар ҷойи 179-ум қарор гирифтаанд. Дар панҷгонаи охир  Туркманистон, Эрон, Ветнам, Чин ва Кореи Шимолӣ ҷайгиранд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube