Фролов : Пайвасти Тоҷикистон ба Иттишоди АвруОсиё ба манфиати муҳоҷирон аст

Бо вуҷуди онки Тоҷикистон гуфтааст, барои узвият дар Иттиҳоди иқтисодии АвруОсиё шитоб намекунад, кишварҳои узв, аз ҷумла Русия талош доранд, Душанберо ба ин созмон кашанд.

Дар нишасте дар рӯзи 4 апрел дар Душанбе бо ширкати сафири Русия дар Тоҷикистон коршиносон ва дипломатҳои кишварҳои узв бештар дар бораи он гуфтанд, ки чӣ гуна узвият барои Қирғизистону Қазоқистон муфид будааст.

Игор Лякин-Фролов, сафири Русия дар Тоҷикистон, ки дар ҳошияи ҳамоиши “Иқтисоди имконоти ҷадид. Дурнамои ҳамкориҳои Тоҷикистон бо кишварҳои узви Иттиҳоди иқтисодии Авруосиё” дар шаҳри Душанбе бо хабарнигорон суҳбат мекард, эътироф кард, ки ҳадаф аз баргузории ин гуна нишастҳо мутақоид кардани Тоҷикистон барои пайвастан ба Иттиҳоди Иқтисодии Авруосиё аст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube