Футболбозии ҳунармандони қирғиз ва ӯзбек (Видео)
Ҳунармандони Қирғизистон моҳи сентябр барои футболбозӣ бо ҳамтоёни ӯзбекистониашон ба шаҳри Тошканд мераванд. Пештар аз ин дар шаҳри Ӯши Қирғизистон рӯзи 21 август чунин бозӣ миёни ҳунармандони ду кишвар баргузор шуд.
Дар ин бозӣ, ки бахшида ба Иди Қурбон дар варзишгоҳи ба номи Суйунбоеви шаҳри Ӯш барпо шуд, барномаи консертӣ ҳам нишон дода шуд.
Шаҳрдории Ӯш, маркази «Азем» ва телевизиони «Интимак» бозии ҳунармандони ду давлатро созмон доданд. Даромаде, ки аз ҳисоби фурӯши билети тамошои бозӣ ҷамъ шуд, ба ду театри шаҳри Ӯш дода мешавад.
Бозии ҳунармандони ду кишвар бо ҳисоби 10:5 ба фоидаи қирғизистониҳо ба анҷом расид.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75
Шарҳ