Гирифторони КОВИД-19 дар Тоҷикистон ба 1524 нафар расид

Дар Тоҷикистон то соати 17:30 дақиқаи 17 май 1524 ҳолати сирояти коронавирус ошкор гардидааст. Аз ин беморӣ 39 нафар фавтидаанд. Дар ин бора Вазорати тандурустӣ ва ҳифзи иҷтимоии аҳолии ҷумҳурӣ хабар медиҳад.

Бино ба иттилои вазорат, то 17 майи соли равон дар мамлакат 4196 нафар зери назорати табибон қарор дошта, дар як шабонарӯзи охир 493 нафар пас аз шифо ёфтан ба хонаҳояшон рухсат дода шудаанд.

Вазорати тандурустӣ ва ҳифзи иҷтимоии аҳолии ҷумҳурӣ аз тамоми сокинони кишвар даъват ба амал меорад,ки қоидаҳои беҳдошти шахсиро қатъиян риоя ва ҳамзамон дар ҳолати пайдо гардидани нишонаҳои ин беморӣ фавран ба табиби оилавии минтақаи хеш муроҷиат намоянд.