Гумон: ноболиғи 17-сола 3-сар чорвои калони шохдорро дуздид
Вазорати корҳои дохилӣ хабар дод, ки ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ноболиғи 17-солаи сокини ҷамоати деҳоти Гулистони шаҳри Ваҳдат бо гумони содир намудани ҷинояти дуздӣ дастгир карда шуд.
Гуфта мешавад, ки ба ШВКД дар шаҳри Ваҳдат бо ариза зани 52-солаи сокини ҷамоати деҳоти Гулистони шаҳри Ваҳдат муроҷиат намудааст, ки шаби 11 ба 12-уми майи соли 2021, тахминан соати 00:30-дақиқа, шахси номаълум бо роҳи пинҳонӣ аз дохили оғилхонаи ҳавлии истиқоматиаш 3-сар чорвои калони шохдорро дуздида, аз ҷойи ҳодиса ғайб задааст. Зарари расонидашуда 4 ҳазору 500-сомониро ташкил медиҳад.
Аз рӯи ҳодисаи мазкур тафтишот идома дорад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ