Хандаи шаб

Баҳри мурда

Писарак аз модараш мепурсад:
-Уқёнуси ором ҳамеша ором аст?
Модар ба ғазаб омада мегӯяд:
-Ягон суоли боақлона дода наметавонӣ?
Писарча ин дафъа мепурсад:
-Метавонам. Баҳри мурда барои чӣ мурдааст?

Тифли зирак

Зане ба меҳмонони хонааш мегӯяд:
-Марҳамат, хӯрдан гиред, шарм надоред…
Ин замон духтарчаи хурдсоли зан гапи модарашро бурида мегӯяд:
-Оча, шумо нодуруст мегӯед. Мисли мураббияи мо ин тавр гӯед:
-Нозу нузатонро дар хонаи худатон мекунед. Тез-тез авқот хӯред.

Барномаи ҷолиб

Зану шавҳар ҷанг карда, якдигарро хуб дашном медиҳанд. Баногаҳ занги дар садо медиҳад, аз паси дар писарчаи ҳамсоя мегӯяд:
-Хола, дадаму бобом мепурсанд, ки чунин барномаи аҷибро аз кадом шабакаи телевизион намош дода истодаанд?

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube