Хуҷанд: Туалети рӯизаминӣ дар назди роҳи зеризаминӣ

Аз пайи  таҳияи маводе бояд ба корхонаи ҶСП “Нуртекс” мерафтам. Аз рӯи роҳнамоии дӯстон дар истгоҳи наздикии меҳмонхонаи “Эҳсон”-и шаҳри Хуҷанд аз маршутка фаромадам. Вақте аз зани роҳгузар дар куҷо будани корхонаи  “Нуртекс”-ро   пурсидам бо даст тарафи корхона ишора кард. Зан корхонаро нишон доду бо вуҷуди роҳи зеризаминӣ мавҷуд будан қоқ   миёнаи роҳро гузар кард. 

Он зан ва дигар одамонеро, ки бо миёнаи роҳ мегузаштан худ ба худ сарзанишкунон мегуфтам:-Ин одамона на ба гуфтан шуду на ба куфтан. Охир аз дасти убуру минабур кардани роҳи мошингард ҳафтае нест, ки ягон нафар хӯроки чархи мошин нашавад. Ин роҳҳои зеризиминӣ ва паҳлӯи он ҳама барои пиёдагардон-ку! Ин одамон ё барои худнамоӣ кардан маҳз бо миёнаҷои роҳ мегузашта бошанд? Ғайр аз шикоят аз дигарҳо савол мекардам аз худ. Аммо одамон ҳама манзараҳои бори аввал дидаи маро борҳо дидаву гӯши тавбаашонро ба гиребони либосашон кашидаанд, ки бигзор зери мошин монему рӯи ин  манзараро набинем.  Кадом манзара мегӯед? Туалети рӯизаминӣ дар назди роҳи зеризаминӣ (ба акс нигаред ва аҳамият диҳед…)

                                                                            Фарзона Муродӣ 

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube