Икром Субҳонзода куҷо ва чаро рафт? (аудио)

Бо қарори ҳукумат Икром Субҳонзода бинобар ба кори дигар гузаштанаш аз вазифаи директори Агентии авиатсияи граждании кишвар озод карда шуд.

Бо фармони Сарвари давлат Субҳонзода директори Агентии назорати маориф ва илми назди президент таъин гардид.

Эмомалӣ Раҳмон дирӯз, 11-уми апрел тағйироти кадрии дигар анҷом дод. Аз ҷумла, дар Вазорати маориф, Вазорати молия, Агентии назорат дар соҳаи маориф ва илм, Агентии хоҷагии ҷангал, мелиоратсия ва обёрӣ тағйироти кадрӣ сурат гирифт.

Қарорҳои ҳукумат инҳо буданд: Абдулзода Зиёдулло Назар — муовини вазири маориф ва илми Ҷумҳурии Тоҷикистон;   Усмонзода Аюб Ислом — ректори Донишгоҳи давлатии Хуҷанд ба номи академик Бобоҷон Ғафуров;   Қурбониён Сарвар Собир — муовини вазири молия;  Абдураҳмонзода Нигина Шуҳрат — директори Агентии рушди бозори коғазҳои қиматнок ва бақайдгирии махсуси Вазорати молия.                         

Зимнан, зикр мегардад, ки президент дар натичаи суҳбат бо кадрҳои навтаъин ҷиҳати фаъолияти пурсамари Вазорати маориф ва илм дар самти баланд бардоштани сифати таълим, омодасозии мутахассисони ҷавон ва рафъи камбуди кадрҳо дар соҳаҳои гуногуни ҷумҳурӣ дастуру супоришҳои мушаххас дод.

Хабарҳои моро дар Телеграм пайгирӣ намоед: https://t.me/tojikistontimes

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube