Иштироки Сироҷиддин Муҳриддин дар нишасти вазирони қолаби “С5+1”

28-уми феврали соли 2023 дар шаҳри Остона нишасти вазирони корҳои хориҷии кишварҳои Осиёи Марказӣ ва Иёлоти Муттаҳидаи Амрико дар қолаби “С5+1” баргузор гардид.

Дар ҳамоиш ҷонибҳо роҷеъ ба масъалаҳои муҳими рӯзномаи ҷаҳонӣ ва минтақавӣ, аз ҷумла вазъи Афғонистон, мубориза бо терроризму ифротгароӣ ва дигар таҳдиду чолишҳои амниятӣ мубодилаи афкор карда, ба зарурати тақвияти ҳамкориҳо байни кишварҳои минтақа таъкид намуданд.

Дар нишасти мазкур вазири корҳои хориҷии Ҷумҳурии Тоҷикистон Сироҷиддин Муҳриддин низ иштирок ва суханронӣ кард.

Қолаби C5+1 як механизми бисёрҷонибаи ҳамкории панҷ кишвари Осиёи Марказӣ (Қазоқистон, Қирғизистон, Тоҷикистон, Туркманистон, Ӯзбекистон) ва ИМА мебошад. Он соли 2015 барои баррасии масъалаҳои минтақавӣ дар бахшҳои иқтисод, экология ва амният таъсис ёфтааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube