Изҳори ҳамдардии Эмомалӣ Раҳмон ба Илҳом Алиев

Президенти мамлакат Эмомалӣ Раҳмон ба Президенти  Озарбойҷон Илҳом Алиев барқияи изҳори тасаллӣ ирсол намуд.

Дар он гуфта мешавад:

«Муҳтарам Илҳом Гейдарович, хабари фоҷеабори суқути ҳавопаймои мусофирбари ширкати ҳавопаймоии Озарбойҷонро дар наздикиҳои фурӯдгоҳи шаҳри Актауи Ҷумҳурии Қазоқистон, ки боиси талафоти зиёди ҷонӣ гардид, бо ҳиссиёти ҳамдардӣ ва андӯҳи амиқ дарёфтам. Таъзияву таслияти инҷонибро ба наздикону пайвандони фавтидагон иброз намуда, ба ҳамаи осебдидагон шифои комил мехоҳам».

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube