Кӯдакони хурдсолро роҳ надод…Боздошти ронандаи таксӣ дар Душанбе

Дар асоси шикоят як мусофир ронандаи воситаи нақлиёти тамғаи «BYD», рақамҳои қайди давлатиаш 9902ТТ09 Ҳабиб Ҳабибов боздошт шуд.

Бино ба иттилои Раёсати ВКД дар шаҳри Душанбе, дар асоси муроҷиати як шаҳрванд барои кӯдакони хурдсолашро ба воситаи нақлиёт роҳ надодан, аз ҷониби кормандони БДА Ҳабибов Ҳабиб, ронандаи воситаи нақлиёти тамғаи «BYD», рақамҳои қайди давлатиаш 9902ТТ09 боздошт гардид.

“Нисбати ронанда дар доираи талаботи қонунгузорӣ чораандешӣ карда шуд”,-иттилоъ медиҳад манбаъ.

Бояд гуфт, ки  вақтҳои охир аз хизматрасонии баъзе ронандаҳои воситаҳои нақлиёти мусофирбар шикоят зиёд аст. Махсусан, муносибати дағалона бо мусофирон, то охири хатсайр нарафтан, ба воситаи нақлиёт роҳ надодани мактаббачагону пиронсолон мушкилотеанд, ки ҳамарӯза мушоҳида мешаванд.

Раёсати ВКД дар шаҳри Душанбе аз ронандагони воситаҳои нақлиёти ҷамъиятӣ хоҳиш кардааст, ки дар доираи одобу ахлоқ ва қоидаҳои ҳаракат дар роҳ амал намоянд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube