Кӣ бештар ришва гирифтааст?

Соли 2018 аз ҷониби кормандони мақомоти иҷроияи ҳокимияти давлатии шаҳру навоҳии вилояти Суғд 55 ҷинояти коррупсионӣ ба қайд гирифта шудааст, ки нисбат ба соли 2017 21 ҳолат зиёд аст.

Ин оморро сардори Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд полковники адлия Иброҳимзода Карим Иброҳим эълон карда буд. Ба гуфти ӯ, танҳо дар 5 ноҳияи вилояти Суғд 360 ҷинояти коррупсионӣ сабт шудааст: «Маълумотҳои оморӣ гувоҳӣ медиҳанд, ки дар ҳудуди вилоят ҷиноятҳои коррупсионӣ байни кормандони Мақомоти маҳаллии ҳокимияти давлатӣ, соҳаи тандурустӣ ва соҳаи маориф зиёд гаштааст. Тамоюли зиёдшавии ҷиноятҳои коррупсионӣ дар шаҳру ноҳияҳо чунинанд:

1. Хуҷанд— 127-ҷиноят

2. Б. Ғафуров-58-ҷиноят

3. Панҷакент-66-ҷиноят.

4. Деваштич-64-ҷиноят.

5. Конибодом-45-ҷиноят.”

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube