Кохи Сафед аз бозгашти Трамп ба «Твиттер» метарсад

CNBC: Кохи Сафед аз бозгашти Трамп ба Twitter пас аз хариди Маск эҳтиёт мекунад.

— Аъзои маъмурияти президенти ИМА Ҷо Байден изҳори нигаронӣ мекунанд, ки харидории «Твиттер» аз ҷониби соҳибкори амрикоӣ Илон Маск боиси бозгашти раиси ҷумҳури собиқи ҷумҳурихоҳ Доналд Трамп ба шабакаи иҷтимоии худ бо ҳамин ном мешавад,- хабар медиҳад CNBC бо такя ба манобеъ.

Рӯзи душанбе расман эълон шуд, ки Илон Маск, муассиси SpaceX ва Tesla Twitter-ро ба маблағи 44 миллиард доллар мехарад. Тибқи ин маълумот, маъмурияти Байден пешрафти созишро дар «Твиттер» бодиққат назорат мекунад ва метарсад, ки интиқоли ширкат ба дасти Маск боиси афзоиши маълумоти бардурӯғ дар шабакаи иҷтимоии ширкат мешавад.

Ин, дар навбати худ, метавонад ба мавқеъҳои Ҳизби демократ дар арафаи интихоботи миёндавраии ИМА, ки барои соли ҷорӣ пешбинӣ шудааст ва инчунин интихоботи қарибулвуқуи президентии соли 2024 таъсири манфӣ расонад. Кохи Сафед истисно намекунад, ки Маск метавонад ба Трамп ва шуморе аз сиёсатмадорони ҷумҳурихоҳи марбут ба ӯ иҷоза диҳад, то дастрасӣ ба «Твиттер»-ро, ки президенти пешини ИМА муддати тӯлонӣ аз он маҳрум буд, барқарор кунанд. Ҳаросро аз чунин дурнамо наздиктарин шарикони Ҷо Байден, аз ҷумла Барак Обама, раиси ҷумҳури пешини кишвар изҳор мекунанд.

Худи Трамп қаблан изҳор дошта буд, ки қасди бозгашт ба «Твиттер»-ро надорад ва дар шабакаи иҷтимоии бунёдгузораш TRUTH боқӣ мемонад. Трамп пас аз он ки ӯ аз эътирофи шикаст дар интихоботи соли 2020 сарпечӣ кард, аз платформаҳои асосии иҷтимоӣ масдуд шуд ва тарафдоронаш ба Капитолия ҳамла карданд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube