Конибодом: Сокинон дару тирезаҳоро панҷарапеч мекунанд

Сокинони деҳоти Конибодом дару тирезаҳои худро панҷарапеч мекунанд. Мардум бо ҳар роҳ кӯшиш доранд, ки ҷони худу фарзандонашонро ҳифз намоянд.

Онҳо бовар доранд, ки кушодани панҷараҳои оҳанин осон нест ва ҳамакнун метавонанд, ки шаб ором хоб кунанд. Бояд гуфт, ки дар як моҳи ахир дар Конибодом даҳ узви се оила кушта шуданд. Шумораи умумии кушташудаҳо аз 20 нафар гузаштааст.

Баъди кушторҳои пайиҳам мақомот ҳам дар ин шаҳр чораҳои назоратиро пурзӯр кардааст.

Дар даромадгоҳи шаҳр дидбонгоҳ гузошта шуда, дар деҳаҳо сарбозон  мегарданд ва назорат мекунанд. Аммо аз ҷузъиёти куштор ва қотилони асосӣ то ҳол иттилои дақиқе нашру паҳн нашудааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube