Давлаталӣ САИД, муовини якуми Сарвазири Ҷумҳурии Тоҷикистон

Зиндагинома. Давлаталӣ Саид (Давлаталӣ Шомаҳмадович Саидов) 30-юми марти соли 1970 дар ноҳияи Данғара таваллуд шудааст. Миллаташ тоҷик, таҳсилот олӣ. Соли 1993 Донишгоҳи давлатии Тоҷикистонро бо ихтисоси иқтисодчӣ ва соли 2008 Академияи хизмати давлатии назди Президенти Федератсияи Россияро бо ихтисоси иқтисоди миллӣ хатм кардааст. Солҳои 1988-1989 дар сафи Қувваҳои мусаллаҳ хизмат намудаст.

Фаъолияти корӣ. Ӯ соли 1993 ба сифати мутахассиси идораи экспертизаи Кумитаи давлатии идораи амволи давлатии Ҷумҳурии Тоҷикистон фаъолияташро оғоз намуда, то соли 2005 дар вазифаи муовин, сардори Раёсати экспертиза ва сардори Идораи саҳомигардонӣ, қоғазҳои қимматнок ва фондҳои инвеститсионии Кумитаи давлатии идораи амволи давлатии Ҷумҳурии Тоҷикистон кор кардааст.

Солҳои 2005-2007 дар мансабҳои раиси Кумитаи кор бо ҷавонони назди Ҳукумати Ҷумҳурии Тоҷикистон ва раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон фаъолият намудааст.

Солҳои 2007-2009 дар вазифаи Сафири Фавқулодда ва Мухтори Ҷумҳурии Тоҷикистон дар Япония кор кардааст.

Аз соли 2009 то 2013 дар мансаби раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон фаъолият намудааст.

Бо Фармони Президенти Ҷумҳурии Тоҷикистон аз 19-уми ноябри соли 2013 муовини якуми Сарвазири Ҷумҳурии Тоҷикистон таъин гардид.

Бо Фармони Президенти Ҷумҳурии Тоҷикистон аз 3-юми ноябри соли 2020 бинобар таъсиси Ҳукумати нав муовини якуми Сарвазири Ҷумҳурии Тоҷикистон таъин гардид.

Унвони илмӣ. Номзади илмҳои иқтисодӣ.

Қадршиносӣ. Бо ордени Шараф дараҷаи II ва медали ҷашнии «20-солагии Истиқлолияти давлатии Ҷумҳурии Тоҷикистон» сарфароз гардидааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube