Лаҳистон аз «Газпром» ҷуброн талаб мекунад

Анҷей Дуда, раиси ҷумҳури Лаҳистон дар мулоқот бо Милош Земан, ҳамтои чехаш дар Прага гуфт, ширкатҳои Лаҳистон аз имконоти қонунӣ барои дарёфти ҷуброн барои қатъи интиқоли гази Русия истифода хоҳанд кард.

«Албатта, ширкатҳои лаҳистонӣ, ки бо Русия дар мавриди интиқоли газ қарордод бастаанд, ки феълан аз ҷониби Русия халалдор шудааст ва шартҳои онҳо, тавре мебинем, комилан вайрон шудаанд, чораҳои дахлдори ҳуқуқӣ хоҳанд гирифт»,- шарҳ дод раҳбари Лаҳистон.

Тавре Дуда афзуд, вай бовар дорад, ки корхонаҳои Лаҳистон аз ҷониби Русия «барои нақзи шартҳои шартнома» ҷуброн хоҳанд гирифт.

«Газпром» аз 27-уми апрел инҷониб интиқоли газро ба ширкати Булғоргазии Булғористон ва PGNiG-и Лаҳистон ба далели напардохтани пули рубл мутаваққиф кардааст.

Полша ҳар сол аз Россия қариб нуҳ миллиард метри мукааб, яъне андаке камтар аз нисфи тамоми истеъмоли худ газ мехарад. Бино ба гузориши Bloomberg, бо такя ба манобеъ, тақрибан даҳ нафар харидорони аврупоии гази Русия аллакай дар «Газпромбонк» ҳисоб боз кардаанд ва чаҳор нафар пули сӯзишвориро бо рубл пардохт кардаанд.

Аз 1-уми апрел Русия барои дур шудан аз доллар ва евро дар ҳисоббаробаркуниҳо пардохтҳои газро аз кишварҳои бегона ба таври нав қабул кард. Бар асоси фармони раисиҷумҳур, «Газпромбонк» бояд ҳисобҳои махсуси арзӣ ва рубл боз кунад. Харидор маблағи заруриро ба ҳисоби якум бо валютаи дар шартнома нишондодашуда мегузаронад, бонк онро дар биржаи Москва мефурӯшад ва ба ҳисоби дуюм рубл медиҳад.

Ба гуфтаи Владимир Путин, Маскав даст кашидан аз пардохт бо рублро ҳамчун иҷро нашудани уҳдадориҳои шартномавӣ қабул хоҳад кард.

Кишварҳои ғарбӣ пас аз оғози амалиёти вижаи низомӣ барои безарарсозӣ дар Украина алайҳи Русия таҳримҳои нав ҷорӣ карданд. Ҳамин тариқ, захираҳои Русия дар ҳаҷми тақрибан 300 миллиард доллар масдуд карда шуданд. Даъватҳо барои даст кашидан аз манобеи энержии Русия баландтар шуданд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube