Левакант: Сохтмони 14 корхона дар нақша аст
Дар шаҳри Левакант сохтмони 14 корхонаи истеҳсолӣ ба нақша гирифта шудааст. Ин иқдом дар панҷ сол амалӣ хоҳад шуд.
Сайфиддин Давлатов, мудири шуъбаи меъморӣ ва шаҳрсозии шаҳри Левакант дар суҳбат бо Pressa.tj гуфт, ки бунёди корхонаҳо дар доираи панҷсолаи рушди саноат ба нақша гирифта шудааст. Ӯ мегӯяд, дар оянда мумкин аст, ки шумораи иншооти бунёдшаванда зиёд шаванд.
«То имрӯз се корхонаи гуногун бо таъсиси 1 ҳазору 160 ҷойи корӣ бунёд шудааст. Корхонаи истеҳсоли оби ҷав, хишти хом ва афшураи мева ва сабзавот сохта ба истифода дода шудааст»,-иттилоъ дод манбаъ.
Сайфиддин Сафаров мегӯяд, дар панҷ соли эълоншудаи рушди саноат соҳаи мавриди назар хеле рушд хоҳад кард. Ба таъкиди вай ҳоло корҳои сохтмонӣ дар корхонаҳо бо маром идома дорад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ