Лукашенко: Арманистон ҷои рафтан надорад, ҳатман бо мо мепайвандад

Лукашенко ба Давлати иттиҳодӣ дохил шудани Тоҷикистонро пешгӯӣ карда буд. Ба гуфтаи раисиҷумҳури Белорус, ҷумҳуриҳои дигари собиқ Иттиҳоди Шӯравӣ, аз ҷумла Тоҷикистон низ ба чунин иттиҳод шомил хоҳанд шуд.

— Дар оянда дигар ҷумҳуриҳои собиқ Иттиҳоди Шуравӣ низ хоҳиш доранд, ки ба Давлати ягонаи иттифоқии Русия ва Белорус дохил шаванд. Дар ин бора раисиҷумҳури Белорус Александр Лукашенко дар мулоқот бо губернатори вилояти Воронеж Александр Гусев изҳор дошт,- хабар медиҳад хабаргузории «БелТА».

Лукашенко мутмаин аст, ки ҷумҳуриҳои собиқ шӯравӣ ба Давлати иттиҳодӣ шомил мешаванд. Ба гуфтаи раисиҷумҳури Белорус, минтақаҳои Русия ба рушди ҳамкориҳо таваҷҷуҳи зиёд зоҳир мекунанд. «Ба шарофати шумо, мо чунин ҳамкориҳо дорем ва кӯшиш мекунем, ки дар асоси принсипҳои нав як Давлати ягонаи иттифоқӣ бунёд кунем, то касе хафа нашавад, давлатҳои соҳибихтиёру соҳибистиқлол — Белорус ва Русия рушд кунанд»,- афзуд ӯ. Ӯ изҳори итминон кард, ки дигар ҷумҳуриҳои собиқ Иттиҳоди Шӯравӣ низ ба чунин иттифоқ шомил хоҳанд шуд.

«Туркманистон, Ӯзбекистон ва Тоҷикистон, фикр мекунам, ба далели зарурати иқтисодӣ низ ба ин созмон шомил мешаванд»,- афзуд Лукашенко. Вай ҳамчунин қайд кард, ки Арманистон «ҷои рафтан надорад». Қаблан ӯ изҳор дошта буд, ки Қазоқистон пас аз ошӯбҳои авоили моҳи январ дар ин кишвар ба далели амниятӣ ба ин иттиҳод шомил мешавад.

Ёдовар мешавем, ки Давлати иттифоқӣ як сохтори боломиллии Русия ва Белорус мебошад, ки фазои ягонаи сиёсӣ, иқтисодӣ, ҳарбӣ, гумрукӣ, асъорӣ, ҳуқуқӣ, гуманитарӣ, бозорӣ ва фарҳангиро ташкил медиҳад. Пешбурд дар рушди ассотсиатсия дар соли 2021 оғоз ёфт. То 1-уми декабри соли 2023 мақомоти ин кишвар тасмим доранд созишнома дар бораи бозори ягонаи газро имзо кунанд.

Пештар роҳбари Белорус қайд кард, ки стратегияи комилан нави иқтисодии рушди Иттиҳоди Шӯравӣ бо Русия барои дарозмуддат бояд таҳия карда шавад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube