Тошканд барои Толибон роҳи оҳан месозад

Мавзуи музокироти ояндаи Тошканд ва «Толибон»* масъалаҳои дорои хусусияти тиҷоратию иқтисодӣ, аз ҷумла татбиқи лоиҳаҳои сохтмони хатҳои интиқоли барқ ​​ва роҳи оҳан хоҳанд буд

Тошканд ва Кобул барои гузаронидани музокироти муштарак дар Тирмизи Ӯзбакистон, ки ҳаммарз бо Афғонистон аст, ба мувофиқа расиданд, хабар медиҳад хадамоти матбуотии Вазорати умури хориҷии Ӯзбекистон

Тавофуқ дар бораи ин мулоқот рӯзи панҷшанбе дар ҷараёни сафари кории раҳбари Вазорати корҳои хориҷии Ӯзбекистон Абдулазиз Комилов ба пойтахти Афғонистон ҳосил шудааст.

Комилов дар ин сафар бо раҳбарияти Афғонистон таҳти сарварии муовини сардори ҳукумати муваққатии марбут ба масъалаҳои сиёсӣ Мулло Абдулкабир мулоқот кард.

Дар ин мулоқот ҳамзамон муовини масъалаҳои иқтисодии сарвазир А. Ҳанафӣ, вазирони нақлиёт ва ҳавопаймоии кишварӣ, корҳои ҷамъиятӣ, энергетика ва захираҳои оби Афғонистон иштирок доштанд.

Дидори алоҳидаи Комилов ҳамзамон бо Вазири корҳои хориҷии ҳукумати «Толибон»* Мавлавӣ Амирхон Муттақӣ сурат гирифтааст.

Бино ба иттилои Вазорати умури хориҷии Ӯзбекистон, мавзуи музокироти оянда дар Тирмиз масоили тиҷорию иқтисодӣ, аз ҷумла иҷрои тарҳҳои сохтмони хатҳои барқ ​​ва роҳи оҳан хоҳад буд.

«Ҷонибҳо дар бораи гузаронидани музокироти муштарак дар Тирмиз дар бораи масъалаҳои тиҷоратию иқтисодӣ, аз ҷумла татбиқи лоиҳаҳои сохтмони хатти интиқоли Сурхон — Пули Хумрӣ ва роҳи оҳани Мазори Шариф — Кобул — Пешовар ба созиш расиданд»,-гуфта мешавад дар изҳорот.

Ҳамзамон ҷониби Афғонистон омодагии худро барои таъмини амнияти мутахассисони ӯзбек, ки дар татбиқи ин лоиҳаҳо ҷалб шудаанд, изҳор дошааст.

Намояндагии «Толибон»* аз кумакҳои президенти Ӯзбекистон изҳори сипос карда, ҳамзамон хостаанд, ки барои бозкушоии суратҳисобҳои Афғонистон дар хориҷ аз ҷомеаи ҷаҳонӣ даъват кунад.

Тибқи иттилои вазорат, намояндаи «Толибон»* қатъиян изҳор дошт, ки ҳеҷ гоҳ ба амнияти Ӯзбекистони бародар аз қаламрави Афғонистон таҳдид нахоҳад шуд.

Ин ҷо бояд ёдовар шуд, ки солҳои 70-уми асри ХХ Шӯравӣ мехост, ки хатти роҳи оҳан миёни Теҳрон, Кобул ва Душанберо бунёд созад. Аммо солҳо тир шуданду он лоиҳа болои коғазҳо мағор баст. Баъдан дар солҳои 2010 низ гирди ин лоиҳа гуфторҳои зиёде ба гардиш омад ва Эрон хостори амали намудани ин лоиҳа шуд. Вале он ҳам дорад ба гӯшаи фаромӯшӣ меравад. Ва Чин ҳам чунин як иқдомеро дар доираи лоиҳаи доманадори худ бо номи “Як камарбанд як роҳ” зери назар дошт, ки хатти роҳи оҳан аз Чин тавассути Тоҷикистону Афғонистону Эрону Маскав ба  Аврупо мерафт. Аммо, мабодо, ки болои он ҳам “об” рехта бошад.

Дар ин иқдоме, ки ҷонибҳо гирифтаанд, алҳол барвақт аст, чизе бигӯем. Зеро ҳукумат ҳанӯз дар Афғонистон шакл нагирифтааст. Дар кишваре, ки ҳукматаш пояи устувор надорад, чи гуна метавон ба он эътимод кард? Вале дар гардиши чархи торих бисёр шудааст, ки таваккулу тасодуфҳо боровар шудаанд. Шояд Ӯзбекистон ва Толибон ба ҷое расанд?! Ба ҳар ҳол вақт довар аст.



Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Все комментарии

Станьте первым, кто оставит свой комментарий.

Добавить комментарий

Ваш адрес email не будет опубликован.