Маълумоти махфии корбарони Telegram ба мақомот пешниҳод мешавад, агар…

Павел Дуров, бунёдгузори Telegram эълон кард, ки мессенҷер — суроғаҳои IP ва рақамҳои телефони корбаронро, ки шартҳои хизматрасонӣ ва қонунгузориро вайрон мекунанд, ба мақомоти ҳифзи ҳуқуқ пешниҳод мекунад.

Ин пешниҳод низ дар асоси дархостҳои қонунӣ сурат мегирад.

Дар ин бора ӯ 23 сентябр хабар додааст.

Бояд гуфт, ки  Telegram маълумотро танҳо дар ҳолатҳои марбут ба гумони терроризм интиқол медод. Акнун, тибқи сиёсати нав, маълумот метавонад ҳангоми гирифтани ордери амалкунандаи судӣ ошкор карда шавад, агар корбар дар фаъолияти ҷиноятӣ гумонбар бошад.

 Дуров таъкид кардааст, ки ин чораҳо барои мубориза бо ҷинояткорон ва ҳимояи корбарон равона шудааст.

Дар аввали моҳи сентябр Павел Дуров изҳор дошта буд, ки модератсияи пурзӯр ҷустуҷӯи Telegram -ро бехататар кардааст.

 Гурӯҳи махсус бо истифода аз зеҳни сунъӣ мундариҷаи мушкилотро бартараф кард. Мубориза бо ҷинояткорони сӯиистифода аз платформа ҳадафи шахсии ӯ хоҳад буд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube