Маросими истиқболи Президенти Эрон Масъуд Пизишкиён дар Қасри миллат

Имрӯз, 16 январ маросими расмии истиқболи Президенти Эрон Масъуд Пизишкиён дар майдони Қасри миллат баргузор гардид.

Пешвои миллат Эмомалӣ Раҳмон Президенти Ҷумҳурии Исломии Эрон муҳтарам Масъуд Пизишкиёнро истиқбол гирифта, ба болои шоҳсуфаи фахрӣ даъват намуд.

Бино ба иттилои хадамоти матбуоти Сарвари давлат, маросими истиқбол бо гузориши командири қаровули фахрӣ ба меҳмони воломақом, садо додани сурудҳои миллии ду кишвар, гузаштан аз назди сафи қаровули фахрӣ, арзи эҳтиром ба Парчами давлатии Тоҷикистон ва шиносоӣ бо ҳайатҳои расмии ду ҷониб ҷараён гирифта, бо қадамзании мутантан ва гузаштани ҷузъу томҳои қаровули фахрӣ аз назди сарони ду давлат анҷом ёфт.