«Муҳаммад Расулуллоҳ» -ро эҳтимол дар Душанбе нишон диҳанд

Ҳақдодов гуфт, Иттиҳоди синамогарон як нусхаи ин филмро барои як-ду рӯз ба Душанбе оварда ва метавонанд ба гурӯҳе аз алоқамандони ҳирфаии синамо намоиш диҳанд.

«Барои намоиши оммавии филм бояд онро аз муаллифонаш харид. Аммо корхонаи давлатии “Тоҷиккино”, ки масъулияти харидану намоиши филмҳои хориҷиро ба ӯҳда дорад, ба сабаби мушкили молӣ ба душворӣ рӯ ба рӯ шудааст. Бахусус, барои харидани филми “Муҳаммад Расулуллоҳ”, ки аз гаронбаҳотарин филмҳо дар Эрон ба шумор меравад, дасткӯтаҳ аст», — меафзояд Ҳақдодов.

Ҳодисаҳои ин филм дар асри 7 мелодӣ мегузаранд. Наворбардории он соли 2007 шуруъ шуда, қисмате аз филм дар Африқои Ҷанубӣ сабт шудааст.

Дар сохтани филми «Муҳаммад Расулуллоҳ» мутахассисони ҳолливудӣ — барандаи ҷоизаи Оскар, наворбардори итолиёвӣ Витторио Стораро ва оҳангсоз Алла-Раха Рахман низ саҳм доштаанд.