Муфти имоми масҷидро мунофиқ хонд

Олимов Парпиевро носипос номид ва тамоми иштирокдорони ҷаласа низ аз ӯ ҷонибдорӣ карданд.

«Имоми мунофиқ ба худ ой, то гирифтори бадбахтие нашавӣ. Дар миёни мо истода, мардуму имомон ва идораи моро масхара дорӣ. Ин ба ягон хубӣ оварда намерасонад», — гуфтааст Олимхон.

Ӯ ҳамчунин аз Парпиев хостааст, ки аз мақомаш истеъфо диҳад.

Дар навори ҷаласа, ки ахиран нашр шуд, садои имом-хатиби дигари Тошканд Раҳматулло Сайфиддинов низ шунида мешавад.

«Агар ба забони одӣ бигӯем, Парпиев бори масъулияти худро бардошта натавонист. Бо гузашти як моҳ аз таъйин шуданаш ба мақоми имом-хатибӣ аз номи ҳамаи имомҳо ба хатогӣ роҳ дод», — изҳор доштааст ӯ.

Имом-хатиби масҷиди «Омина»-и ноҳияи Юнусободи Тошканд Фазлиддин Парпиев дар як мавъизаи намози ҷумъаи худ мақомоти ҳифзи ҳуқуқи кишварашро танқид кард, ки барои ришу ҳиҷоб ба сокинон фишор меоранд. Ӯ пештар дар як муроҷиатномаи видеоии худ аз Мирзиёев дар таъмини озодии баёну дини мусулмонони кишвараш кумак хост.

Баъд аз нашри видео Парпиев гуфт, ИМӮ ба ӯ фишор меорад, то бо нашри изҳорот бигӯяд, ки аз кардааш пушаймон аст.