Намояндагони ДТТ ба оилаи Назаровҳо расми «Меҳри миллат» тақдим карданд (аудио)

Намояндагони Донишгоҳи техникии Тоҷикистон ба номи академик М. С. Осимӣ ба хонаи Назаровҳо дар деҳаи Чорбоғ ташриф оварда, расми «Меҳри миллат»-ро ба Назар Назаров ва модари ӯ тақдим намудаанд.

Бино ба иттилои донишгоҳи мазкур, ин расм аз ҷониби донишҷӯйи курси 1-уми факултети сохтмон ва меъморӣ Изатзода Саидбек Миралӣ зимни аксияи эҷодӣ дар Боғи Куруши Кабир тасвир шудааст.

— Аксияҳои эҷодӣ бо ташаббуси бевоситаи ректори донишгоҳ дар боғҳои пойтахт мунтазам баргузор гардида, дар он устодон ва донишҷӯён малакаҳои худро пайваста такмил медиҳанд,- меафзояд манбаъ.

Ёдовар мешавем, ки чанде қабл автобуси таҳти идораи Назар Назаров ба ҳафт мошини таксӣ бархӯрда ва ширкати “Рахш таксӣ” ҳама зарари расонидашударо ҷуброн карда буд. Ширкат натанҳо зарари ба мошинҳо расонидашуда, балки рӯзҳои бекории ронандагонро низ пардохт кард.

Хабарҳои моро дар Телеграм пайгирӣ намоед: https://t.me/tojikistontimes

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube