Намояндаи Ширкати “Барқи Тоҷик” дар Исфара даргузашт

Саидҷаъфар Қаландаров, роҳбари Ҷамъияти саҳомии  «Шабакаҳои барқии Исфара» дар синни 54 — солагӣ аз олам даргузашт.

Саидҷаъфар Қаландаров 16 октябри соли 1966 дар ноҳияи Восеъ таваллуд шуда, хатмкардаи Донишкадаи хоҷагии қишлоқ ва Донишгоҳи техникии Тоҷикистон буд.

Тавре аз тарҷумаи ҳоли ӯ бармеояд, фаъолияти меҳнатии худро соли 1988 ба ҳайси сардори колоннаи нақлиётӣ оғоз намуда, минбаъд дар вазифаҳои сардори кордону муваффақи муассисаи нақлиётии №14-и н.Ховалинг, муовини директори генералии Биржаи молу ашёи Тоҷикистон, муҳандис-механики КВД «Роҳи оҳани Тоҷикистон», директори ҶС Шабакаҳои барқии шаҳрҳои Турсунзода, Кӯлоб, ноҳияи Шаҳринав кор кардааст.

Аз моҳи январи соли 2019 вазифаи директори ҶС «Шабакаҳои барқии Исфара»-ро, ки марбут ба тобеияти Ширкати “Барқи Тоҷик” мебошад,  ба уҳда дошт.
Дар ин бора аз мақомоти шаҳри Исфара хабар доданд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube