Навраси 16-сола ҳамсоли худро ҳангоми футболбозӣ кушт

Дар ноҳияи Кизирики вилояти Сурхондарёи Ӯзбекистон як навраси 16-сола ҳангоми задухӯрд дар вақти футболбозӣ ҳамсоли худро кушт.

Тибқи иттилои расонаҳои маҳаллӣ, ҳодиса шоми 23 август, замоне рух додааст, ки наврасон дар стадиони футболи хурд дар маҳаллаи Истиқлол бозӣ мекарданд. Ҷавони 16-сола А.А. бо ҳамсолаш И.Х., ки дар дастаи дигар бозӣ мекард, муноқиша кард. Ҳарду наврас барои ҳал намудани ҷанҷоли лафзи ба беруни майдон мебароян, аммо кор аз таниши лафзи ба занозани ва ҳалокати як тараф ба анҷам мерасад.

Гуфта мешавад, ки А.А. бо зону ба қафаси синаи И.Х. мезанад ва ҷабрдида дар ҷои ҳодиса ба ҳалокат мерасад.

Тибқи иттилои Раёсати тафтишотии Вазорати корҳои дохилии Ӯзбекистон, наврас бо тартиби мурофиавӣ боздошт шудааст. Шӯъбаи тафтишотии Раёсати корҳои дохилии минтақаи Кизирик алайҳи А.А. бо банди «д» -и қисми 3 моддаи 104 Кодекси ҷиноӣ («Қасдан расонидани зарари вазнин ба саломатӣ, ки боиси марги ҷабрдида шудааст)» -и Кодекси ҷиноятии Ҷумҳурии Ӯзбекистон парвандаи ҷиноятӣ оғоз кардааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube