Оғози даъвати тирамоҳӣ. Дар Душанбе Рӯзи даъватшаванда доир гардид

Имрӯз, 1 октябр дар шаҳри Душанбе бахшида ба оғози мавсими даъвати тирамоҳии ҷавонон ба сафи Қувваҳои мусаллаҳи Тоҷикистон Рӯзи даъватшаванда баргузор шуд.

Дар ҳамоиш ҷавонони солҳои таваллуди 1997-2006-и ноҳияҳои Исмоили Сомонӣ, Шоҳмансур, Сино ва Фирдавсӣ, масъулини сохторҳои марбутаи Мақомоти иҷроияи ҳокимияти давлатии шаҳри Душанбе, кормандони масъули Вазорати мудофиаи ҷумҳурӣ ва волидайни даъватшудагон иштирок намуданд.

Ёдовар мешавем, ки 5 августи соли равон Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1997-2006-и Ҷумҳурии Тоҷикистон ба хизмати ҳарбӣ» ба имзо расид.

Бояд гуфт, ки аз рӯзи аввали даъвати баҳорӣ аллакай чанд шаҳру навоҳии мамлакат нақшаи пешбинишударо сад дар сад иҷро карданд.