Тақдири падару модари 12-сола чӣ шуд?

Падару модари 12 сола, ки ҳикояи онҳо ҷаҳонро ба ларза овард айни ҳол чӣ гуна зиндагӣ мекунанд.

Шабака нишон дод, ки зиндагии волидони ҷавонтарин дар 10 сол чӣ гуна тағйир ёфтааст. Дар ин бора нашрияи «SmileTer» хабар додааст. Алфи Паттен як кӯдаки оддии 12-сола, шармгин ва ором буд. Вай бо як духтари 15-сола Шантел дӯст буд, дар хонаи ӯ бозӣ мекард ва аксар вақт як шаб мемонд. Бо вуҷуди ин, модари духтар дарк кард, ки кӯдакон на танҳо дар бозиҳои видеоӣ бозӣ мекунанд, ҳангоме, ки  духтараш 4 моҳа ҳомиладор аст. Кӯдакон хатои худро фаҳмиданд, вале мегуфтанд, ки ҳама чиз барои ишқ аст. Алфи ба тарбияи духтараш шурӯъ кард, ӯро ғизо медод, мехобондаш, памперсҳояшро иваз мекард ва ғайраҳо, ки оқибат бозиҳои видеоиро тамоман фаромӯш кард.

Падари писарбача боре ба ӯ гуфтааст: «Кӯдак зиндагии туро вайрон мекунад». Мутаассифона, вай ҳақ буд. Бо таваҷҷӯҳи зиёди матбуот ва ҷомеа, дар уфуқ бачаҳое пайдо шуданд, ки мегӯфтанд, онҳо метавонанд падари ин кӯдак бошанд. Сипас Алфи тасмим гирифт, ки ташхиси ДНК гузаронад ва маълум шуд, ки падари кӯдак ӯ не, балки Тейлер Байкери 14-сола аст, ки дар тарбияи кӯдак иштирок кардан намехост.

Бо шунидани ҳақиқат дунёи Алфи чаппа шуд, зеро Шантел гуфт, ки вай дар зиндагияш аввалин ва ягона аст. Пас аз он, Шантел бо оила ва кӯдакаш ба шаҳри дигар кӯчид ва Алфи худро рӯҳафтода ҳис кард.

Илова бар ин, бача аз ҷониби рӯзноманигорон таъқиб карда шуд, ки нагузоштанд, ӯ воқеаи рӯйдодаро фаромӯш кунад. Пас аз 10 сол, ҳаёти Алфи ва Шантел хеле тағир ёфт. Шантел бо падару модараш духтарчаашро тарбия кард, баъд оиладор шуд ва фарзанди дигар таваллуд кард. Вай хеле кам дар байни омма пайдо мешавад ва шабакаҳои иҷтимоӣ тамошо намекунад.

Тақдири Алфи он қадар хуб нест. Ҷавон бо модараш зиндагӣ мекунад, дар ягон ҷо кор намекунад ва намехонад. Инчунин, ин бача бо қонун мушкилот дорад ва рӯҳияи ногаҳонӣ дорад, ки бинобар ин ӯ метавонад ба одамони раҳгузар дашном ва ҳамла кунад. Ӯ ҳанӯз паси панҷара нанишастааст, аммо ба он хеле наздик аст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube