Пари- и тоҷик дар озмуни (Miss World Beauty)

Парвина Саидова гуфтаастки, тасмим дорад дар баробари зебоӣ ва намоиши либоси миллӣ, инчунин, истеъдоди овозхониву рақсашро нишон диҳад. Ҳоло Парвина барои ин озмун омодагӣ мегирад.

Саидоваи 27-сола, модари панҷ фарзанд буда, борҳо бо либосҳои миллии тарроҳони тоҷик ба ҳайси модел рӯи саҳнаи кишварҳои Осиёи Марказӣ ва Украина қадам задааст. Исми ӯ як сол қабл расонаӣ шуд. Парвина, ки бори аввал дар клипи якҷояи Ҷӯрабеку Ҷонибек Муродовҳо ва Садриддини Наҷмиддин зоҳир шуда буд, то нашри чанд аксаш дар Фейсбук як зани хонанишин буд ва рӯзаш бо тарбияи фарзандон сипарӣ мешуд. Аммо баъд аз ин ҳаёти Парвина Саидова ранги дигар гирифт ва ҳоло ӯ нерӯи худро дар намоиши либосҳои миллӣ ва зебоӣ месанҷад.

Парвина мегӯяд, сирри муваффақияташ дар бозори клипсозӣ ва нақшофарӣ маҳз чеҳраи зебо ва қаду қомати расояш аст, ки баъд аз таваллуди панҷ фарзанд ҳам зиёд тағйир накардааст.