Парвандаи ҷиноятӣ барои саркашӣ аз хизмат
Нисбати ҷавони 26-солаи сокини ноҳияи Б. Ғафуров парвандаи ҷиноятӣ боз шудааст. Дар ин бора ВКД хабар дод.
Гуфта мешавад, ки ин ҷавон 30-юми июли соли 2024 аз комиссияи тиббии Комиссариати ҳарбӣ гузашта, қобил ба хизмати ҳарбӣ дониста шудааст. Вале баъди гирифтани даъватнома «бе ягон сабаби узрнок ба комиссариати ҳарбӣ ҳозир нашудааст».
Ба иттилои ВКД, бар зидди ин ҷавон мувофиқи қисми 1, моддаи 343 Кодекси ҷиноятӣ (Саркашӣ аз хизмати ҳарбӣ ва алтернативӣ) парвандаи ҷиноятӣ оғоз карда шудааст ва тафтишот идома дорад.
Мувофиқи ин банди Кодекси ҷиноятӣ ҷавонро аз 36 ҳазор то 72 ҳазор сомонӣ ҷарима ё ду соли зиндон таҳдид мекунад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75
Шарҳ