Пешгирии қасди таркиш дар Суғд
Мақомоти ҳифзи ҳуқуқи Суғд донишҷӯи омӯзишгоҳи касбӣ-техникиро, ки аз “Давлати исломӣ” тарзи сохтани лавозимоти таркандаро ба даст овардаанд, дастгир кардаанд. Ба иттилои манобеъ аз мақомоти ҳифзи ҳуқуқ, ин ҷавонон дар ҳоле боздошт гардиданд, ки лавозимоти заруриро ҷамъ оварда, мехостанд таҷҳизоти тарканда бисозанд. Ба гуфтаи ҳамин манобеъ, инҳо ҷавонони 17, 18 ва 20 сола буда, онҳоро рӯзи 26-уми октябр мақомоти Кумитаи амният боздошт кардаанд. Дар ҳоли ҳозир мақомот ба далели таҳқиқи қазия аз ифшои ном насаби ҷавонони боздоштшуда худдорӣ мекунанд.
Бар пояи омори раёсати корҳои дохилии Суғд, дар шаш моҳи аввали соли равон 394 сокини минтақа ва 24 нафари онҳо ҳамроҳи ҳамсару кӯдакони худ ба ҷанги Сурия рафта, 36 нафари онҳо ба ҳалокат расидаанд.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ