Пирамарди 77-соларо кӣ кушт?

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 44-солаи сокини кӯчаи Фирдавсии шаҳри Душанбе бо иттиҳоми куштор дастгир карда шуд.

Номбурда, шаби 20 ба 21-уми ноябри соли 2017, тахминан соати 01:30-дақиқа, дар кӯчаи Фирдавсӣ бо шиносаш, марди 77-солаи сокини пойтахт вохӯрда, аз сабаби муноқишаи ба миён омада, бо корди дар дасташ буда, 4-маротиба ба узвҳои баданаш задааст.
Дар натиҷа марди 77-сола ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
Нисбати ин қазия парвандаи ҷиноятӣ оғоз гардида, тафтишот идома дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube