Покистон: 123 нафарро мошини бензинкаш кушт

Маъмурони наҷотбахш мегӯянд, дар натиҷаи садамаи як мошини бензинкашӣ дар як шоҳроҳи Покистон 123 нафар кушта шудаанд. Бино ба гузоришҳои хабаргузории Ассосиэйтед Пресс ва ГЕО ТВ, мошин зимни ҳаракат дар роҳ сарнагун шуда ва оташ гирифтааст.

Ба гуфтаи ГЕО ТВ, дар натиҷаи садама, ки дар ноҳияи Баҳовулпур сурат гирифт, 40 нафари дигар ҷароҳат бардоштаанд. ГЕО ТВ аз қавли маъмурони наҷот гуфт, баъди садама мардум ҷамъ омада ва бензинеро, ки аз мошин мерехт мегирифтанд ва айни замон баъзеҳо сигор мекашиданд ва мумкин аст, ҳамин сабаби оташ гирифтани мошину фоҷиа шуда бошад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube