Президент аз вазъи кишоварзии кишвараш норозист

Вай аз вазъи техникаи кишоварзӣ изҳори норизоӣ кард. Ба гуфтаи Бердимуҳаммадов, техникаи кишти пахта ва ғалладона «ба таври комил дар дохили кишвар истеҳсол мешавад, аммо сатҳи омодагии тракторҳо, комбайнҳо, мошинҳои борбар ва ғайра хеле паст аст».

Роҳбарони вилоятҳои Туркманистон аз омодагӣ ба кишти тирамоҳӣ хабар доданд, аммо нагуфтанд, ки чӣ қадар ғалладона соли ҷорӣ ҷамъоварӣ шудааст.

Президенти Туркманистон рӯзи 5 июл гуфта буд, ки «мавсими ҷамъоварии ғалла ба интиҳо расидааст ва ҳосили ҷамъшуда далели он аст, ки кишвар амнияти озуқавориро таъмин карда метавонад».