Президент ба Остона рафт

Президенти  Тоҷикистон ҷиҳати ширкат дар нишасти навбатии Шӯрои амнияти дастаҷамъии СПАД, субҳи 8-уми ноябр ба шаҳри Остона сафар кард.

Тибқи иттилои дафтари матбуоти Президенти  Тоҷикистон, дар ин сафар Эмомалӣ Раҳмонро вазири корҳои хориҷӣ, вазири мудофиа, Котиби Шӯрои амният, ёвари президент дар масъалаи  равобити байналмилалӣ ва дигар афроди расмӣ ҳамроҳӣ мекунанд. Паймони амнияти дастҷамъӣ соли 1992 дар шаҳри Тошканд имзо шуда, соли 2002 ба Созмони Паймони амнияти дастҷамъӣ тағйири ном кард. Ба узвияти ин созмони минтақавии сиёсӣ, ки ҳадафаш таъмини амният дар қаламрави кишварҳои узв аст, Арманистон, Беларус, Қазоқистон, Қирғизистон, Русия ва Тоҷикистон шомил ҳастанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube