Президент садҳо зиндониро авф кард

ҳар сол ба пешвози Наврӯз раиси ҷумҳур шуморе аз зиндониҳоро аз банд раҳо мекунад.

Илҳом Алиев, раиси ҷумҳури Озарбойҷон, беш аз 400 зиндониро озод кард.

Дар миёни озодшудагон шуморе аз мухолифони Алиев ҳам ҳастанд. Фармони афви ин афрод рӯзи 16-уми март имзо шуд. Дар Озарбойҷон расм аст, ки ҳар сол ба пешвози Наврӯз раиси ҷумҳур шуморе аз зиндониҳоро аз банд раҳо кунад. Аммо озодии зиндониёни сиёсӣ ба муносибати Наврӯз дар ин кишвар пешбинӣ нашудааст. Илҳом Алиев қудрат дар Озарбойҷонро соли 2003, баъди марги падараш Ҳайдар Алиев, ки солҳо раҳбари ин кишвар буд, ба даст гирифт.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube