Рӯзигули бокира худашро дор кашид

Наздикони Рӯзигул мегӯянд, ин ҳодиса 11 август иттифоқ афтодааст. Ҳайталӣ Лолахонов, падари Рӯзигул мегӯяд, вақте якбора бедарак шуд, ҳама пайи ҷустуҷӯяш шуданд ва ӯро дар ҳолати овехта аз дохили оғилхона пайдо карданд. Лолахонов гуфт, баъди даъват кардани кормандони пулис ҷасадро поин оварданд ва дар кафи дасташ навиштаҷотеро диданд: “Навишта шуда буд, ки ман духтари бокира ҳастам. Алҳамдулиллоҳ мусалмонам, ба пои таҳорат”.

Падари Рӯзигул мегӯяд, ӯ бо касе ҷанҷол ё муноқиша накарда буд ва сабаби ба ин амал даст заданашро намедонанд. Ба гуфтаи Лолахонов, Рӯзигулро вақте ҳамагӣ се рӯза буд, ба фарзандхонӣ гирифтанд.

Аз додситонии ноҳияи Восеъ гуфтанд, нисбати ин ҳодиса тафтишот идома дорад.