Раул Кастро, роҳбари Куба истеъфо дод

Раул Кастро роҳбари Куба қарор дод, ки вазифаи котиби якуми КМ Партияи ҳукмрони коммунистии Кубаро тарк кунад. Дар ин бора рӯзи ҷумъа рӯзномаи «Гранма» хабар дод. «Генерали артиш гуфт, ки ӯ хушнуд аст, ки раҳбарии кишварро ба як гурӯҳи пешвоёни омӯзишдидашуда супорад, ки бо таҷрибаи даҳсолаҳо доранд ва ба Инқилоб содиқанд», — гуфта мешавад дар матни нашрия. «Ман ба фаҳмиши ҳамватанони худ боварии комил дорам ва то даме ки зиндаам, омодаам ба дифои Ватан, Инқилоб ва сотсиализм даст занам» гуфт Кастро аз қавли хабаргузории Куба. Раул Кастро ба муколамаи эҳтиромона дар муносибатҳои байни Иёлоти Муттаҳида ва Куба умедвор аст, менависад сайти Ҳизби коммунист. «Вай (котиби якуми ҳизбии ба истеъфо баромадаистода ) илова кард, ки Куба хоҳиши худро барои мусоидат ба муколамаи эҳтиромона бо Иёлоти Муттаҳида бори дигар тасдиқ мекунад, аммо бидуни нияти гузашт кардан дар мавриди соҳибихтиёрӣ ва истиқлолияти он, сиёсати хориҷӣ ва идеалҳо» гуфта мешавад дар паём. Кастро инчунин қайд кард, ки саъйи Куба ба равандҳои ҳамгироии Амрикои Лотин ва ҳавзаи Кариб пойдор нест. «Кубагиҳо аз вазифаи ба як ватани муштараки фарзандони мо табдил додани Амрикои мо як лаҳза ҳам даст нахоҳанд кашид» гуфт ӯ.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube