«Равшан» буриду «Сомон» бохт

Бозиҳои даври 14-уми мусобиқаи дастаҳои лигаи якум баргузор шуданд.

Вохӯрии марказӣ давр  байни дастаҳои «Кӯктош» ва  «Сомон» дар варзишгоҳи «Нефтяник»-и  ноҳияи Рӯдакӣ доир гардида, соҳибони майдон Холмурод Назаров  ва  Абдурасул Раҳмонов ба дарвозаи футболбозони Данғара 2 гол заданд. Ин бохти нахустини «Сомон» дар мавсими соли равон мебошад.

«Ваҳдат»-и Ваҳдат – пешсафи лигаи якум бозии дуюмашро низ бохт. Ин дафъа аз «Саройкамар» др ноҳияи  Панҷ бо ҳисоби 0:1.

Дастаи дар зинаи охирини ҷадвал ҷойгирифта (аутсайдер) «Зарафшон»-и Панҷакент дар майдони худ «Парвоз» -и Бобоҷон Ғафуровро 1:0 мағлуб кард.

Се бозии дигари даври 14-ум дар хотири мухлисон бо бисёрголиашон нақш хоҳад баст. «Равшан»-и Кӯлоб дар бозии шавқовар дарвозабони «Ҳулбук»-и Восеъро 4 бор маҷбр намуд, ки тӯбро аз дохири даврвозааш берун намояд. Восеъгиҳо дар ҷавоб 3 гол зада, аммо мусовӣ карда натавонистанд. 7 гол инчунин дар бозии дастаҳои «Эсхата»-и Хуҷанд ва «Локомотив-Помир» Душанбе ба қайд гирифта шуд. Хуҷандиҳо як гол бештар зада, пирӯзии худро таъминт намуданд.  Вохӯрии дастаҳои «Маҳаллаи 83»-и пойтахт ва  «Зарбдор»-и Исфара бо хисоби  3:2 ба анҷом расид.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube