Резаахбор: Аз равзанаи гузариши тобистона то харидуфурӯши футболӣ

Дар Чемпионати футболи Тоҷикистон-2023 ҳафтаи гузашта равзанаи гузариши тобистона боз шуд, ки то 28-уми июл идома мекунад. Дар ин давра дастаҳои Лигаи олӣ метавонанд бозингарони навро ба ҳайати худ ҷалб кунанд. Давраи сабти ном барои дастаҳои Лигаи якуми футболи Тоҷикистон низ то 28-уми июл идома мекунад.

***

Футзолбозони Тоҷикистон дар рейтинги нави ҷаҳонӣ дар зинаи 57-ум қарор гирифтанд. Ин маънои онро дорад, ки даста 7 зина поён рафтааст ва айни ҳол 950 имтиёз дорад. Дастаи мунтахаби футзолбозони Тоҷикистон дар байни дастаҳои осиёӣ дар зинаи 11-ум аст. Эрон, Ҷопон, Ўзбекистон, Тайланд ва Австралия панҷ дастаи беҳтарини осиёӣ дар ин рейтинг ҳастанд.

***

Баҳодур Усмонов, муштзани тоҷик, аз шаҳрдори Душанбе Рустами Эмомалӣ як мошини JAC Motors-ро туҳфа гирифт. Ў ин туҳфаро барои медали биринҷӣ дар чемпионати ҷаҳонии бокс дарёфт кард. Ба ҷуз аз ин, Усмонов аз Федератсияи бокси ҷумҳурӣ 70 ҳазор сомонӣ низ мукофот гирифтааст. Усмонов медали биринҷии Ҷоми ҷаҳониро барои худ дастоварди бузург номидааст.

***

Хардифурўши футболӣ: Форварди туркмани КМВА (Душанбе) Сулаймон Муҳадов дастаро тарк кард. Муҳаммадҷон Раҳимови тоҷик аз дастаи «Насаф»-и Қаршӣ ба дастаи «Бухоро»-и Бухоро гузашт. «Истиқлол»-и Душанбе бо Идрис Амин аз Ғано шартномаашро бекор кард. Раҳматулло Фузайлов сармураббии «Регар-ТадАЗ» таъйин шуд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube