Садама дар Чимтеппа ҷони ду касро гирифт

Яхбандии роҳ дар ноҳияи Рӯдакӣ субҳи имрӯз, 26-уми январ боиси марги 2 нафар гардид. 

Тибқи иттилои Кумитаи ҳолатҳои фавқулодаи Тоҷикистон дар пайи яхбандии роҳ дар деҳаи Чимтеппа мошини “Mercedes-Benz” ба “Opel Astra Caravan” бархӯрда, мусофирон дар дохили автомашина дармонданд: “Вақте наҷотдиҳандагон ба ҷои ҳодиса ҳозир шуданд, дар дохили автомашинаҳо 4 нафар- 1 нафар дар “Мерседес” ва се нафари дигар дар “Опел” дармонда буданд. Ду нафарашон дар роҳ ба беморхона ҳалок ва 2 нафари дигар ба кормандони ёрии таъҷилӣ супорида шуд”.

Кумитаи ҳолатҳои фавқулодда аз ронандагон дархост кардааст, ки ҳамгоми ҳаракат бодиққат бошанд ва суръатро аз меъёр зиёд накунанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube