Садамаи маргбор дар роҳи Душанбе-Турсунзода (аудио)

Вазорати корҳои дохилӣ аз садамаи маргборе хабар дод, ки дар натиҷаи он пиёдагард Юлдошева Фароғати 44-сола фавтидааст.

28-уми марти соли 2022, тахминан соати 19:30 дақиқа ронандаи автомашинаи тамғаи «Хундай-CR-V» Комилов Абдуллоҷон Анварҷонович, соли таваллудаш 1996, сокини шаҳри Турсунзода, ҳангоми ҳаракат дар шоҳроҳи Душанбе-Турсунзода, воқеъ дар назди деҳаи Аҳоруни ҷамоати деҳоти Қаратоғ аз уҳдаи идораи воситаи нақлиёт набаромада, пиёдагард Юлдошева Фароғат, соли таваллудаш 1978, сокини ҷамоати деҳоти мазкурро пахш намудааст.

Дар натиҷа, пиёдагард Юлдошева Ф. ҷароҳати вазнини ҷисмонӣ бардошта, дар беморхона ба ҳалокат расидааст.

Оид ба ин ҳодиса таҳқиқот идома дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube