Садамаи маргбор: Сокини Ёвон дар ҷойи ҳодиса ба ҳалокат расид

Мақомоти милитсия аз садамаи маргборе хабар медиҳад, ки дар роҳи автомобилгарди «Ёвон-Рӯдакӣ» рух додааст.

Тавре манбаъ менависад, 17-уми феврали соли 2022, тахминан соати 00:20-дақиқа, ронандаи автомашинаи тамғаи «Хундай-Либеро», Раҳимов Маҳмадсаид Ҷамолович, соли таваллудаш 1996, сокини ноҳияи Ёвон, ҳангоми ҳаракат дар роҳи автомобилгарди «Ёвон-Рӯдакӣ», аз уҳдаи идораи воситаи нақлиёт набаромада, дар канори роҳ чаппа шудааст.

Дар натиҷаи садамаи мазкур, ронанда, Раҳимов М.Ҷ. ҷароҳати вазнини ҷисмонӣ бардошта, дар ҷойи ҳодиса ба ҳалокат расидааст.

Ҳамчунин, гуфта мешавад, ки мусофири автомашинаи мазкур Қурбонов Насим Маҳмадюсупович, соли таваллудаш 1995, сокини ҳамин ноҳия ҷароҳати ҷисмонӣ бардошта, дар беморхона бистарӣ гардидааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube