Санҷиши навор: Ронанда ҳам ҷаримабандӣ ва ҳам огоҳонида шуд (аудио)

Раёсати Вазорати корҳои дохилӣ дар шаҳри Душанбе аз анҷоми санҷиши наворе хабар дод, ки марбут ба қоидавайронкунӣ дар роҳ аст.

— Як нафар шаҳрванд бо ирсоли навори қоидавйронкунӣ аз мақомоти милитсия дархост намуд, то нисбати ронандаи автомашина чораҳои дахлдори қонунӣ андешида шавад. Чуноне дар навор дида мешавад, ронандаи автомашинаи тамғаи «Хундай Солярис», рақами қайди давлатиаш 8596ТТ05, ҳангоми ҳаракат дар кӯчаи С. Шерозӣ роҳро аз болои сафолакҳои ороишии байни роҳ убур ва ба самти чап гардиш намудааст,- мегӯяд манбаъ.

Бино ба иттилои манбаъ, “дар натиҷаи санҷиш муайня гардид, ки ронандаи автомашинаи мазкур Розиқов Аъзамҷон Хисравович мебошад. Ин амали номбурда хилофи талаботу меъёрҳои Қоидаҳои ҳаракат дар роҳ буда, дар баробари қонуншиканӣ ҳамзамон боиси бармаҳал вайрону коста гаштани қисмати роҳ мегардад”.

Гуфта мешавад, ки вобаста ба ин нисбати Розиқов Аъзамҷон протоколи ҳуқуқвайронкунии маъмурӣ тартиб дода шуда, дар баробари ҷаримабандӣ ҳамзамон ҷиҳати риояи ҳатмии Қоидаҳои ҳаракат дар роҳ ба таври қатъӣ огоҳонида шудааст.

Хабарҳои моро дар Телеграм пайгирӣ намоед: https://t.me/tojikistontimes

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube