Шашмақомсароёни тоҷик ба Амрико даъват шудаанд
Панҷ намояндаи Тоҷикистон барои иштирок дар ҷашнвораи «Шашмақом» дар шаҳри Ню-Йорки Амрико даъват шудаанд. Фурқати Саид – раҳбари ансамбли «Шашмақом»-и Тоҷикистон гуфтааст, ин ҷашнвора ба хотири садсолагии Нериё Аминов аз тарафи наздикону ҳаводоронаш ташкил шуда, рӯзҳои 12 ва 13 ноябри имсол баргузор мегардад.
Ба ин маҳфил аз Тоҷикистон Фурқати Саид, Абдурашид Абдувалиев, Ситораи Кароматулло, Гулчеҳра Қурбонова ва адибу оҳангсоз Шоираи Раҳимҷон даъват шудаанд. Онҳо ҳанӯз раводиди Амрикоро нагирифтаанд ва барои ҳамин дар бораи нақшаҳои сафарашон зиёд тафсилот намедиҳанд.
Онҳо рӯзи 1 ноябр бояд аз сӯҳбати консули Амрико дар Душанбе гузаранд. Он вақт маълум мешавад, ки оё раводиди сафар медиҳанд, ё не.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ