Шералӣ КАБИР, вазири саноат ва технологияҳои нави Тоҷикистон

Зиндагинома. Шералӣ Кабир 22-юми ноябри соли 1971 дар ноҳияи Дарвоз таваллуд шудааст. Соли 1992 Донишкадаи савдо совети-кооперативии шаҳри Новосибирски Федератсияи Россияро бо ихтисоси иқтисодчӣ-менеҷер ва соли 1994 Донишгоҳи давлатии тиҷоратии Тоҷикистонро бо ихтисоси иқтисодчӣ хатм кардааст. Доктори илмҳои иқтисодӣ мебошад. Оиладор, соҳиби 5 фарзанд.

Фаъолияти меҳнатӣ. Фаъолияти кориашро соли 1993 ҳамчун муовини директори ҶС «Система» дар назди заводи «Спецавтоматика»-и шаҳри Душанбе оғоз намуда, минбаъд то соли 2005 дар мансабҳои ноиби Президент оид ба тиҷорати ҶС «Тенис», Мутахассиси дараҷаи 1, сардори шуъбаи равобити байнидавлатии Кумитаи давлатии қарордод ва савдо, сардори Раёсати савдои биржавии Биржаи универсалии молу ашёи Тоҷикистон, сардори Раёсати ҶСК «Ориёнбонк» ва муовини раиси ҶСК «Ориёнбонк» кор кардааст.

Солҳои 2005-2015 муовини якуми директори КВД «Ширкати Алюминийи Тоҷикистон» ва солҳои 2015-2020 раиси Шӯрои директорони КВД «Ширкати Алюминийи Тоҷик» буд.

Қадршиносӣ. Соли 2012 бо ордени «Шараф дараҷаи I» сарфароз гардонида шудааст.

Бо Фармони Президенти Ҷумҳурии Тоҷикистон аз 3-юми ноябри соли 2020 вазири саноат ва технологияҳои нави Ҷумҳурии Тоҷикистон таъин гардид.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube