Ширкатҳои ҳавопаймоии Қазоқистон ва Тоҷикистон парвозҳояшонро афзоиш медиҳанд

Мақомоти ҳавонавардии Қазоқистон ва Тоҷикистон дар бораи афзоиши парвозҳои мунтазами мусофирбарӣ миёни ду кишвар ба мувофиқа расиданд. Дар ин бора рӯзи 20-уми апрел Кумитаи авиатсияи граждании Ҷумҳурии Қазоқистон хабар дод.

Ба ин тартиб, ширкати ҳавопаймоии тоҷикистонии “Сомон Эйр” аз 25-уми апрел шумори парвозҳо аз Душанбе ба Алмааторо бо ҳавопаймоҳои “Боинг-737” ба ду ҳафта дар як ҳафта афзоиш медиҳад. Ширкати ҳавопаймоии Қазоқистон дар навбати худ тасмим гирифтааст, ки аз 1-уми май байни Душанбеву Алмаато ҳафтае се парвоз (ҳоло як парвоз) ва аз 1-уми июн то 4 парвоз дар як ҳафта бо ҳавопаймоҳои Airbus-320 анҷом диҳад.

Ҳамин тариқ, шумораи умумии парвозҳо байни кишварҳо дар моҳи июн аз ду ба шаш ҳафта афзоиш хоҳад ёфт. Гуфта мешавад, ки парвозҳо «бо риояи қатъии талаботи санитарию эпидемиологӣ ва тибқи ҷадвали нашршуда дар вебсайтҳои ширкатҳои ҳавопаймоӣ анҷом дода мешаванд».

Пешниҳоди ҳатмии шаҳодатнома бо натиҷаи санҷиши ПТР барои COVID-19 ё ҳуҷҷат/паспорти тасдиқкунандаи курси пурраи эмкунӣ (реваксинатсия) бар зидди коронавирус барои шаҳрвандони Қазоқистон ва хориҷиён боқӣ мемонад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube