Ширкати паҳлавонони Тоҷикистон дар Zagreb Grand Prix 2023

Аз 18-ум то 20-уми август ҷудокорони дунё дар мусобиқаи байналмилалии Zagreb Grand Prix 2023 дар Хорватия ба масофи ҳам меоянд.

Мусобиқа дар шаҳри Загреб ҷараён гирифта, дар он 561 ҷудокор, 339 мард ва 222 зан аз 88 кишвари дунё, дар 7 вазн барои ба даст овардани нишонҳои фахрӣ қувваозмоӣ мекунанд.

Тоҷикистонро дар ин мусобиқаи фароқоравӣ Муҳаммадсолеҳ Қувватов (-60 кг), Меҳрзод Суфиев (-60 кг), Обид Ҷебов (-66 кг), Маҳмадшариф Наҷмиддинов (-73 кг) ва Ҷаҳонгир Маҷидов (-90 кг) намояндагӣ мекунанд. Маросими қуръакашии мусобиқа рўзи 17-уми август баргузор мегардад. Дастаи мунтахаби ҷудои Тоҷикистон дар рейтинги ҷаҳонӣ бо 18 832 имтиёз дар зинаи 34-ум аст. Дастаҳои мунтахаби Ҷопон, Фаронса, Нидерланд, Бразил ва Олмон дар панҷгонаи авваланд.

Дар ин рейтинг Ўзбекистон 8-ум, Қазоқистон 14-ум, Қирғизистон 51-ум ва Туркманистон 71-уманд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube