Собиқ ронандаи Дастгоҳи Президент: Заминамро гирифтанд, худам дар хонаи пиронсолон (видео)

Маҳмадалӣ Латипови 70-сола ҳоло дар хонаи пиронсолони шаҳри Турсунзода, ки бо номи «Батош» маъруф аст, зиндагӣ дорад. Ӯ зиндагии вазнини гузаштаашро бо дард ёд мекунад.

Хабарнигорони сомонаи Pressa.tj чанде пеш аз Хонаи пиронсолони шаҳри Турсунзода дидан намуда, бо Маҳмадалӣ Латипов суҳбат намуданд. Тавре мушоҳида шуд, ин ҷо дар баробари пиронсолон, нафарони маъюб, беморони рӯҳӣ ва ҳатто ҷавонҳо ҳам зиндагӣ мекунанд.

Он ҷо бӯи бекасӣ аст…

Он ҷо бӯи навмедӣ аст…

Он ҷо бӯи ғаму андуҳ аст…

Он ҷо бӯи хокистари сӯхтаву сиёҳи орзуҳо аст…

Он ҷо бӯи интизорӣ аст…

Он ҷо бӯи тангдастӣ аст…

Он ҷо бӯи дастнигарӣ аст…

Он ҷо бӯи бекорӣ аст…

Он ҷо бӯи шабҳои бехобиву рӯзҳои дилтангӣ аст…

Ва он ҷо бӯи афсурдагиву озурдагист.